Na Yau Maroroi ka Vakasokumuna o George Brown mai Minpaku
Na itukutuku ni bula kei na cakacaka nei George Brown kei na nona vakasokumuni yau maroroi.
Na Vakaraitaki Iyau Maroroi nei Geirge Brown e Minpaku
Exhibition book Na itaba ena dago ni vola ka salavata mai ena gauna ni exhibition.
Na iyau maroroi a vakasōkumuna o George Brown e a vakaraitaki ena vale ni iyau maroroi mai na ikatinikadua ni Maji ki na ikatolusagavulukadua ni Me 1999, ena dua na ivakaraitaki iyau maroroi ka vakatokai me 'Cultural Heritage of the South Pacific: The George Brown Collection'.
E vakaraitaki na iyau maroroi ni vakaraitaki ena vata
E maroroi tu e rauta ni 222,000 na iyau maroroi ena Vale ni Yau Maroroi ni iTovo kei na iVakarau Vakavanua (National Museum of Ethnology). Mai vei ira kece na iyau maroroi qo, e dau vakaraitaki ga e rauta ni 13,000 na iyau. Qo e rauta tiko ni ono na pasede ga na ka e vakaraitaki rawa vei ira na lewenivanua ka ni vakaiyalayala na vanua e rawa ni vakaraitaki kina.
Dina ga ni a vakarautaki e dua na gauna vakatābakidua me vakaraitaki kina na iyau maroroi nei George Brown (“Cultural Heritage of the South Pacific: The George Brown Collection”), e a sega ni rawa ni vakaraitaki kece na 3,000 na iyau maroroi. Ia a qai vakaraitaki rawa e 2,000 na iyau. Me vakaraitaki rawa na levu ni iyau maroroi qo, keitou a vakayagataka e vuqa sara na vata ka rawa ni tosoi me vakaraitaki rawa kina. Qo e se qai matai ni gauna me keitou vakayagataka na ituvatuva vā qo ena dua vei ira na neitou iyau vakasōkumuni ka vakaraitaki.
E a vakasōkumuna o Brown na veimataqali iyau maroroi me baleta na itovo kei na vakarau vakavanua ka semati ki na bula ena loma ni Wasa Pasivika ena loma ni veimama na senijiuri mai na 1860 ka lako yani. Era mātataka na veiyau vakamāreqeti ena loma wasewase ka sa sega tu ni qai basika. Keitou nuitaka ni ra na rawa ni raitāyaloyalotaka na bula kei na nodra itovo mai na ikatinikaciwa ni senijiuri na vulagi era mai sarasara.