Ko e tātānaki fakamatala ʻo Siaosi Palauni (George Brown) ʻi Minpaku
Ko e talateu ki he moʻui mo e ngāue ʻa Siaosi Palauni, mo ʻene ngaahi tātānaki ʻo e ngaahi koloa ʻātifeki fakaʻefinolosia (ethnological artefacts).
Ko e uepisaiti ko ʻeni´, naʻe fokotuʻutuʻu ia ʻe Pita J Matiu mo Isao Hayashi, fakatouʻosi mei he Misiume ʻEfinolosia Fakafonua ʻo Siapa (mo e tokoni meia Maʻake Simifi, Etsuko Tabuchi mo Junko Miyazaki). Ko e fokotuʻutuʻu ʻo e uepisaiti´ni naʻe poupoua ia ʻe he fakapaʻanga ʻe he Cultural Resource Project naʻe foaki ki ʻe he Misiume ʻEfinolosia Fakafonua, 2008-2010, 2014-2015.
Ko e fakalakalaka ʻo e uepisaiti´ni ʻoku maʻu hono lelei mei hono faʻa talanoaʻi ʻe he kakai ako ʻo ʻAositelelia:Toketā Robin Torrence mo Jim Specht, Misiume ʻo ʻAositelelia´, Senē, Toketā Jude Philp, Misiume Macleay, Univesiti ʻo Senē; Ko Mr Alani Davis, Laipeli fakafonua ʻo Niusauela´.
ʻOku mau to e fakamāloʻia foki ki he kakai tokolahi naʻa nau ʻomai e ngaahi fakamatala fakahisitōlia, fakangofua e ngaahi ʻimisi taa, mo e meʻa kehe fekauʻaki mo e fekumi´ni: Ko e Sosaieti hisitōlia ʻa Gordon, Senē ʻAositelelia, Mr Richard Waugh, ko e Pule fakafonua ʻo e Siasi Uesiliana Metotisi ʻa Nuʻu Sila´, Ragland mo e misiume fakafeituʻu , Nuʻu Sila; Andover – Harvard Theological Museum, USA, English Heritage Photo Library, UK; ʻAkaivi e Nusipepa ʻIngilani, UK, mo e ngaahi feituʻu kehe lahi ʻaupito.
Fakaʻosi´, ʻoku mau fakamālō ki he ngaahi fuofua tātānaki fakamatala ʻo Siaosi Palauni--kiate kinautolu fakafoʻituitui mo e ngaahi komiunitii´ ʻi he ngaahi feituʻu tahi´ he ʻoange e ngaahi nāunāu kia Palauni ʻa ia ʻoku lolotonga tauhi homau misiume´ ʻo laka hake he vaeua senituli.
Fakafetuʻutaki ki he Misiume ki ha fakamatala pe ngaahi fakaʻekeʻeke
Ko e uepisaiti lolotonga´ ʻoku ʻikai ke ne fakangofua e fetuʻutaki hangatonu he vahaʻa e kaungāue he misiume´ mo e kakai´ pe komiunitii´, ka ʻoku mau talitali lelei ha fakaʻekeʻeke pe kole mai ki ha to e fakamatala, pe ʻomai ha faʻahinga fakamatala fekauʻaki mo Siaosi Palauni, kakai pe ngaahi komiunitii´naʻe ngāue mo ia, mo ʻene ngaahi tātānaki´.