Ol stori bilong laip na ol wok bilong George Brown, na koleksen bilong em long i stap bilong asples.
Kirap long taim ol i bin opim the National Museum of Ethnology long
yia 1977, dispela miusiam i save mekim bikpela wok long kisim save long
i stap bilong ol man long Oseania, na lukautim gut ol samting bilong
dispela hap. Long yia 1985-86, dispela miusiam i bin baim George Brown
Koleksen, em ol samting ol asples i save yusim long sindaun bilong ol,
long the University of Newcastle on Tyne, long Inglan, UK. George
Brown, em i wanpela pasto na saveman, i bin mekim wok misineri bilong
lotu Mesodis long ol Pasifik Ailan, na long wankain taim, em i mekim
bikpela hatwok long bungim ol samting inap planti yia, na long dispela
rot, dispela koleksen i bin kamap. Dispela Koleksen i bikpela samting
long sait bilong histori na kalsa. Dispela koleksen i bikpela samting
tu long narapela samting, bikos em i kamapim ples klia ol samting
bilong sindaun bilong ol asples na bilong wok misin em Mr. Brown i bin
raitim long ol buk bilong em. Na, em i bikpela sating tu long planti
manmeri bilong ol Pasifik
ailan bikos ol i ken lukluk na kisim ol save long ol sindaun bilong ol
tumbuna bilong ol yet.
Peter Matthews na Isao Hayashi
National Museum of Ethnology, Osaka, Japan.