Inter-University Research Institute Corporation National Institutes for the Humanities National Museum of Ethnology

ʻO le Ututeumea o le Punaʻoa a Siaosi Palauni

Ulufale mai

E tusa ma le 3000 meataulima ʻoloʻo iai i le Punaʻoa a Siaosi Palauni i le Falemataʻaga o mea Tau Tū ma Aga, a Iapani.

Talu lona tatalaina aloaʻia i le 1977, ʻua tele suʻesuʻega ʻua faʻafoe e le Falemataʻaga Faʻaleatunuʻu o Tu ma Agaʻeseʻese (National Museum of Ethnology) i ituʻāiga o tū ma aga a tagata ma mea e tutusa ma ʻeseʻese ai i latou i Oseania, ma e iai foʻi ma ana faʻaaliga tumau e uiga i lenei itūlalolagi (region). I le 1985-86 na faʻatau mai ai le Punaʻoa o meataulima o tū ma agaʻeseʻese a Siaosi Palauni e la tatou falemataʻaga mai le Iunivesite o Newcastle i Tyne, i Egelani, UK. ʻO lenei punaʻoa, e maoaʻe tele lona tāua talu ai le anoanoaʻi o tala faʻasolopito ma tū ma aga ʻoloʻo aʻafia ai e māfua mai se gāluega fītā ma le faitoʻatasi a le Susuga a le Faifeʻau o Doctor Siaosi Palauni, lea na tele tausaga o galue ai ʻaʻo ʻavea ia ma misionare Metotisi i motu o le Pasefika. E tāua foʻi ʻauāʻua ʻavea ma faʻamaumauga vaʻaia o matāʻupu na iloiloina ma tusitusi faʻatōmanatu i ai le aliʻi misionare ʻaʻo feagai ʻo ia ma ana tusitusiga e uiga i tū ma aga faʻapea ma matāʻupu tau misionare. ʻAe ʻua tāua tele foʻi ona ʻua ʻavea ma futiafu o ʻoa tau tū ma aga e tua ʻi ai tagata o motu e tele o le Pasefika mo se mālamalamaʻaga o taimi ma soifuaga o o latou tuaʻā.

Faʻaaogāga o le ututeumea

ʻO ata ʻoloʻo faʻaaalia i luga o le ututeumea o le ʻupega o fesoʻotaʻiga (online), ʻua naʻo ni faʻasinoala. E lē aogā ona faʻaaogāina i ni lōmiga.

Mo le saʻilia o ni meafaitino ma ni ata, e mafai ona ʻe faia se saʻiliga faigōfie pe faia foʻi se sāʻiliʻiliga mautū (advanced search).

Mo se saʻiliga faigōfie, lolomi le nūmera o le mea oloʻo manaʻomia (peʻā ʻo iloa), igoa o le mea faitino poʻo le itūʻāiga, nofoaga, mea e gaosi ai, po ʻo le telē (naʻo numera, ʻumi i senitimita, poʻo le mamafa i kalama).

Mo se saʻiliga mautū, e mafai ona ʻoʻomi le tuʻufaʻatasiga o nei mea ʻuma i ni vaega se tele.

Faʻaaogā lenei pepa e faʻafesoʻotaʻi mai ai matou ma ni manatu ma ni fautuaga.