Na Yau Maroroi ka Vakasokumuna o George Brown mai Minpaku
Na itukutuku ni bula kei na cakacaka nei George Brown kei na nona vakasokumuni yau maroroi.
Na Yau Maroroi ka Vakasokumuna o George Brown mai Minpaku
Na iyau maroroi kece e a vakasokumuna o George Brown e wili kina na itaba e tabaki ena veleti kei koya e tabaki ena pepa, vosa volai, iyau ni itovo kei na ivakarau kei na ivakatākarakara ni tukutuku makawa dina ka veiwaseyaki vei ira na dauvakasokumuni iyau maroroi vakaitaukei kei koya e taukena na lewe vuqa ena vuqa sara na matanitu. E se sega ni sagai me tauri na itukutuku taucoko me baleta na iyau maroroi qo. Era maroroi tale tikoga na iyau maroroi nei George Brown e na Mitchell Library mai Serenē (vosa volai kei na itaba) kei na Australian Museum e Serenē (itaba tabaki ena veleti) (raica na ‘So tale na ivurevure ni tukutuku’).
Na iyau maroroi vakasokomuni nei George Brown e Minpaku e rauta tiko ni 3,000 na kena veimataqali. Vuqa vei ira na iyau qo era buli ga ena liga mai na veika ga e tu wavoliti keda. Era a vakasōkumuni mai na veivanua ena Wasa Pasivika ena loma ni vasagavulu na yabaki mai na yabaki 1860 vakacācā. Dina ga ni sega soti ni levu na itukutuku matata me baleta na iyau qo, ia na ka ga e kilai ni a vakasokumuni na iyau qo ena gauna e totolo sara tiko kina na veiveisau ena vanua vaOcenia. E ra vakarautaka e dua na gaunisala bibi ni kena maroroi ni nodra dui bula mai na vei gaunisala duidui.
Vuqa na iyau maroroi e rawa ni kune ni vaqarai ena neitou database.
Dina ga ni via volitaka o Brown na iyau a vakasokumuna ki na vale ni yau maroroi mai Ositerelia ni rauta tiko na 1900 vakacaca na yabaki, e a qai volia na University mai Newcastle e Tyne mai Igiladi. E maroroi tu kina me kani vuli kei na vakadidike vei ira na vinakata me yacova ni a qai volia na National Museum ni Ethnology mai Japani ena 1986. Dua na ka na kena veibataki na ikarua ni kena volitaki ka kunei qo ena vica na ivola tabaki ka sa tiko ena ‘Ivurevure ni Tukutuku Tale esō’. E so tale na itukutuku me baleta na iyau qo e a tabaki ni rauta tiko na imatai ni gauna e a vakaraitaki kina vei ira na lewenivanua ena dua na Special Exhibition ka caka mai Minpaku e Osaka ena 1999.
Qo e so na itukutuku tabaki vakaVavalagi me baleta na iyau maroroi e Minpaku
- On the George Brown Collection: Shuzo Ishimori
- Controversial Collection, The George Brown Exhibition, 10 March-31 May 1999:
- Helen Gardner
- Cultural Treasures from the Pacific, The George Brown Exhibition, 10 March-31 May 1999:
- Kate Vusoniwailala