Inter-University Research Institute Corporation National Institutes for the Humanities National Museum of Ethnology

George Brown:Ol stori bilong em yet

Minpaku i bin yusim sampela piksa samting na kamapim ol stori bilong George Brown long taim em i yangpela. Mipela i bin kisim ol dispela stori long buk bilong laip-stori bilong em yet, "George Brown, D.D. Pioneer-Missionary and Explorer published in 1908 (Lukim 'Lista bilong ol buk samting'). Brown i bin kisim helpim long tupela pikinini meri bilong em, Elizabeth na Monica, na em i bin raitim laip-stori bilong em yet.

Mipela i bin wokim dispela stori long namba wan sapta, 'The Early Years and The Call' (pp. 3-25).
Mipela i bin kisim ol tok i stap long dispela buk. Mipela i bin wokim "ol tok i stap insait" long wan wan hap, na putim ol foto na ol piksa bilong strongim ol stori.

Aninit long wan wan piksa, yu ken lukim em bilong husat. Ol visita, husat i laik yusim piksa i klia moa na kisim tok orait long yusim, i mas go stret long papa bilong dispela piksa.


Lukim mep i bikpela moa

Google Map bilong ol ples we namba wan sapta i stori long ol.

Dispela mep i soim planti hap em George Brown i stori long namba wan sapta.

  • Yusim kasor o klikim mak olsem spia bilong senisim pasin bilong lukluk long mep.
  • Klikim ol mak olsem plas/mainas bilong mekim mep i go bikpela o liklik.
  • Klikim mak olsem balun bilong kisim save moa long wan wan ples.
  • Klikim ol mak olsem Map, Sat o Ter bilong senisim hau yu lukluk. Olsem senisim mep viu i go long satelait o terain viu.
Laip- stori buk bilong Brown i gat mep bilong Polinesia. Ol narapela lain buk bilong Brown ol i wokim bihain i gat dispela mep, em blek na whait tasol. Mipela i kisim dispela mep, em kala kala long en, long namba wan lain bilong dispela buk. Klikim mep, na em bai kamap bikpela moa long nupela windo.