George Brown Koleksen long Minpaku
Ol stori bilong laip na ol wok bilong George Brown, na koleksen bilong em long i stap bilong asples.
Wok bilong George Brown long kisim ol foto: P. J. Matthews, National Museum of Ethnology*1
The Australian Museum long Sidni i holim i stap ol 900 negativ plet bilong ol foto em George Brown i bin kisim. Em i bin kirap kisim ol piksa long 1875. Olsem na, em i namba wan man long mekim dispela wok long hap bilong Saus Pasifik. Mi laki tru long lukim ol dispela 900 piksa olgeta.
 |
 |
 |
|---|---|---|
| George Brown wantaim ol man bilong Wudlak Ailan, 1880
samting. Em bilong the Australian Museum. |
Ol bot bilong misin na kanu bilong asples lain, Niu Gini, 1897. | Ol i wokim haus bilong misin long 1875, na ol man husat i kisim lotu Kristen i stap long Duk of Yok Ailan, 1875 inap long 1879 samting. |
Tingting bilong mi i olsem Brown em i hapman tru long kisim ol foto. Maski em i bin yusim ol glas plet, em i kisim ol krisp piksa, i no bilong ol samting i no muv tasol, ol samting i wok long muv tu olsem kanu long solwara.
Em i bin kisim ol kain kain piksa olsem bilong ol man bilong ol ailan husat i kisim lotu Kristen, ol haus bilong misin, ol asples misineri, na kanu bilong misin. Em i bin kisim ol piksa bilong ol samting bilong wok misineri, na tu, bilong ol samting em i bikpela samting long sait bilong stadi long i stap bilong ol asples, olsem ol kastam bilong ol asples, ol ples, ol kain kain pasin tumbuna, ol man i mekim ol wok olsem wokim ol basket, ol trap bilong hukim ol pis, na wok bilong kamautim ol yam. Brown i bin kisim tu ol piksa bilong ol plaua na gras samting, na ol bus na maunten, em ol i bikpela samting bilong stadi long histori bilong neisa. Ol kain kain samting Brown i bin fotoim i kamapim long ples klia olsem em i bin mekim ol kain kain wok long laip bilong em olsem wanpela misineri, na wanpela saveman bilong stadi long i stap bilong ol asples na long histori long neisa.
Brown em i stap olsem wanpela man i go pas long wok bilong kisim ol foto long hap bilong Saus Pasifik. Em i bin mekim bikpela wok bilong kisim ol piksa i soim ol kalsa bilong ol asples na envairomen bilong ol dispela ples long 19 senturi. Ol man i ting olsem Brown i bin kisim ol planti piksa moa, namba bilong ol i mas dabol long ol samting yumi ken lukim nau.. Tasol, sori tru, i no gat rot bilong save long ol dispela foto i bin lus i stap we nau.
*1 Mipela i bin kisim dispela stori long wanpela buk, em ol i bin kamapim long taim bilong the George Brown Exhibition long 1999 (Ishimori, ed 1999 Cultural Heritage of the South Pacific: The George Brown Collection at the National Museum of Ethnology. Senri Foundation, long Tok Japan) (Lukim 'Soim')
*2Lain bilong lukautim Minpaku miusiam i laik tru long save long nupela infomesen long ol foto, em George Brown i bin kisim, i stap long haus bilong ol man o bilong pablik. Lukim hap bilong Pinis bilong Tok na Kontak bilong save moa long hau yu ken toktok long mipela.
Pacific island environments as seen by George Brown: P. J. Matthews
Yu ken lukim dispela stori long Tok Japan long Volium 10 bilong Senri Ethnological Reports bilong mipela 'Studies on the George Brown Collection' em Shuzo Ishimori na Isao Hayashi i bin wokim. Bilong lukim PDF long dispela stori long Tok Japan, klikim hia. (ジョージ・ブラウンの見た島嶼環境), click here.